Að gera ekkert er besta leiðin til að fara með allt til glötunar.

Það er til leið sem er sennilega betri en niðurskurður á höfuðstól og það er að færa niður raunvextina á húsnæðislánum úr því sem þeir eru, sem er 4,15% og upp í um og yfir 6%, niður í 2% sem er sennilega eðlileg ávöxtun á húnæðislánum og alveg nóg ávöxtun fyrir lífeyrissjóði þetta myndi þýða 36% + lækkun á greiðslubyrði en til að peningaflæðið í lífeyrissjóðina myndi ekki minnka of mikið þá er spurning um að lækka greiðslubyrðina bara um 20% en nota það sem útaf stendur til að greiða höfuðstólinn hraðar niður.  Það sem er skárra við þessa aðferð en flatann niðurskurð á höfuðstól er að eigið fé lífeyrissjóðanna, íbúðarlánasjóðs og banka lækkar ekki við þetta heldur fá þeir ekki eins mikla ávöxtun á það, en samt fær allur almenningur leiðréttingu, auðvitað dugar þetta ekki öllum og það verða að vera sértækar aðgerðir með.

En ef við gerum ekkert þá mun allt kerfið hrynja aftur og hverjir fara þá fyrir dóm?

Flatur niðurskurður hjálpar ekki þeim verst stöddu

Athugasemdir

[Ruth, 14.10.2010 kl. 08:39]

En mikið af eignunum eru yfir veðsettar og óseljanlegar eftir að höfustóllinn hækkaði svona mikið........ fólk næði kanski að halda "eignum" sínum við þessa lausn ,en er bundið átthagafjötrum og á lítið sem ekkert í eigninni lengur....eða hvað tekur langan tíma að lækka höfuðstólinn ?

Lífeyrissjóðirnir kvarta en ekki getum við kvartað yfir þeim !

Samt hafa þeir skert lífeyri nú þegar og farið gáleysislega í fjárfestingar....

En ég er sammála þér með að besta leiðin til glötunar er að gera ekkert

Með kveðju

[Einar Þór Strand, 14.10.2010 kl. 10:07]

Ég sagði líka að það yrði að hafa sér aðgerðir með tildæmis fyrir þá sem vilja selja og losna en, það sem er erfitt við flata niðurfærslu á höfuðstól er hvernig hún fer með svokallað eigið fé td lífeyrissjóða og neyðir þá til að lækka lífeyri þó svo að það sé engin raun þaörf á því.

[Magnús Sigurðsson, 14.10.2010 kl. 10:35]

Lífeyrissjóðirnir er nú þegar stórlaskaðir af allt öðrum ástæðum en skuldaleiðréttingu.  Ef verðtrygging í kjölfar verðbólguskots hefði ekki komið til væru þeir nú þegar með allt niður um sig.  Þeir munu lækka lífeyri í framtíðinni þó að þeir verði ekki látnir skyla þýfinu.

[Einar Þór Strand, 14.10.2010 kl. 12:51]

Magnús ég hef rætt við hagfræðing hjá lífeyrissjóði hvort þessi hugmynd um lækkun raunvaxta myndi virka og hann taldi að þetta gæti verið besta aðferðin fyrir alla aðila, einkum vegna þess að ef ekkert er að gert þá hynur lífeyrissjóðakerfið þegar fólkið fer að missa húsnæðið sitt.