Þetta er nú ekkert nýtt

Þýskir bændur í nánd við sendi Voice of America notuðu flurperur til að lýsa upp hjá sér ókeypis fyrir 50 árum síðan

Þráðlaust rafmagn er staðreynd

Athugasemdir

[Stjörnufræðivefurinn (www.stjornufraedi.is), 7.6.2007 kl. 23:07]

Ég held (án þess að staðfesta það) að þessar flúorperur lýsi vegna segulsviðsins sem myndast í kringum háspennulínur. Það hefur verið þekkt frá 19. öld að hægt er að spana íspennu í lykkju í ytra segulsviði. Það er hins vegar mjög óheppilegt að vera með alls konar missterk segulsvið í gangi inni í byggingum og því er alls ekki hægt samrýma eitt segulsvið við einhvern einn móttakara. 

Þessi tækni nýtir sér rafsegulbylgjur (t.d. örbylgjur, útvarpsbylgjur) hafa þessa eiginleika. Fyrirsögnin í greininni er því pínu villandi.

(ég ábyrgist ekki að þetta sé rétt hjá mér )

[Andri Yngvason (IP-tala skráð) 7.6.2007 kl. 23:21]

Flúorperur lýsa vegna þess að það er mikill spennumunur milli skautanna á perunum í því stöðuga einsleita rafsviði sem er á milli háspennulína og jarðar.

Fréttin fjallar um aðra tækni. Sú tækni virkar nákvæmlega eins og lýst er í fréttinni. Þar sveiflast rafsviðið og hægt er að nýta sér eiginleika hermutíðni.

Svona eins og þegar maður slær á tónkvísl og önnur tónkvísl af sömu tíðni byrjar líka að sveiflast.

[Ágúst H Bjarnason, 8.6.2007 kl. 06:20]

Þetta er rafsviðið en ekki segulsviðið sem lætur flúrperurnar lýsa nærri háspennulínum. Þetta er auðvelt að prófa heima, eins og ég gerði fyrir mörgum árum. Flestir kannast við hvernig maður getur hlaðist upp við að ganga á teppi innanhúss. Tala nú ekki um ef teppið er úr gerviefni og einnig skósólarnir. Ef þið finnið heppilegt teppi og skó má prófa eftirfarandi:

Halda öðrum enda perunnar að ofni (jarðbinda endann). Halda um hinn endann og nudda skósólunum við teppið; peran mun lýsa skært!

Það kviknar einnig á flúrperu ef henni er haldið nærri sendiloftneti. Annars er þráðlaus orkuflutningur vel þekktur í útgangsstigum senda. Þar eru stundum tvær "tjúnaðar" spólur, þ.e. þéttir yfir spóluna þannig að sveiflurás myndist (resonant circuit). Önnur sveiflurásin sendismegin og hin loftnetsmegin. Þannig er sendiorkan, jafnvel þúsundir watta, flutt þráðlaust milli staða, og hefur verið gert í hundrað ár. Sjá mynd. 

[Árni Þór, 9.6.2007 kl. 09:26]

En STÓRA fréttin í þessari grein hlýtur þó að vera sú að búið virðist vera að sanna það í eitt skipti fyrir öll að:

"Rafsegulbylgjurnar eru hættulausar fólki"

Svo segir mogginn og ekki lýgur hann (ágætt að fólk geti þá bara hætt að rífast um þetta).