Vanhæfir hagfræðingar

Það að færa húsnæðislán niður um 20% er í raun bara að klippa af vísitölu síðasta árs þannig að ef það setur okkur á hausinn þá er eitthvað að. 

Málið er að þeir hagfræðingar sem eru ríkisstjórninni til ráðgjafar hafa meira áhuga á að bjarga kerfinu heldur enn að bjarga þjóðinni, enda aldir upp við þá þráhyggju að vextir geti orðið til úr engu.

Það sem þarf að gera núna og gera strax er að færa lánin niður um 20% þó að hámarki kannski um 5 - 10 milljónir og síðan að lækka vextina í 2 - 2,5 %.  Auðvitað lítur þetta illa út þegar maður reiknar en þetta er samt bara bókhalds leikfimi, það sem svo græðist við þetta er að fólk hefur aftur peninga til að láta framkvæma fyrir sig sem mun valda því að hjólin fara að snúast.  En það sem verður að passa er að við verðum að halda áfram að handstýra genginu svo við missum ekki verðmætin úr landi.

Til viðbótar þessu verðum við að gera kröfu um að þeir sem eiga kröfur á okkur í formi Icesave og krónubréfa sýni framá hvernig þeir eignuðust þessa peninga því þá má gera ráð fyrir að þó nokkrir af kröfuhöfunum láti sig hverfa vegna þess að þeir eru í peningaþvætti.

Setur Íbúðalánasjóð á hausinn