Er það virkilega í lagi að það séu ekki 32 já á bakvið lög?

Þetta er hlutur sem hefur alltaf farið í taugarnar á mér og mér finnst ekki ásættanlegt og staðreyndin er sú að það er ekki tekið á þessu í tillögum að nýrri stjórnarskrá og er ein af ástæðum þess að ég tel að tillögurnar í óbreyttri mynd eigi ekki erindi í þjóðaratkvæði.

Ég hef fundið lög sem eru samþykkt með einungis 24 atkvæðum og hef ekki leitað vel þannig að ég reikna með að það séu til dæmi um færri atkvæði á bakvið lög.

Reyndar tel ég að við ættum að fara framá 2/3 atkvæða á bakvið lög því það myndi neyða þingmenn og ríkisstjórn til þess að taka upp faglegri vinnubrögð og ná breiðri samstöðu um mál í stað þess að neyða þeim upp á þjóðina.

Fjáraukalögin samþykkt

Athugasemdir

[Snowman, 17.11.2011 kl. 10:47]

Það á auðvitað að vera skyldumæting á Alþingi þegar atkvæðagreiðsla fer fram.

Ég veit ekki hvort það tíðkast á Íslandi en í Danmörku eru fjölmiðlar duglegir að bera saman hversu oft (eða sjaldan) hver og einn þingmaður er til staðar.  Þannig er gerður listi yfir fjarveru allra þingmanna og hægt er að sjá hverjir vinna fyrir kaupinu sínu og hverjir ekki.